Sa nou kwè.

Deklarasyon lafwa

1. Ekriti yo

   Bib la se Pawòl Bondye ki pa ka twonpe, Sentespri te enspire l, e li gen repons pou tout pwoblèm moun.

   2 Timote 3:16,17; 2 Pyè 1:20,21

2. Divinite a

   Gen yon sèl Bondye, ki egziste pou tout tan nan twa pèsòn: Bondye Papa a, Bondye Pitit la ak Bondye Sentespri a.

   Jan 10:30; Jan 14:26; Filipyen 2:5-7

3. Moun, chit li ak delivrans li

   Bondye se lanmou e li renmen tout moun. Li vle rive jwenn moun ki pòv, moun yo maltrete, vèv ak òfelen, e geri moun ki gen kè brize.

   Sòm 68:5,6; 1 Jan 4:16

   Bondye kreye moun nan pòtrè li, men peche separe moun ak Bondye. San Jezi nou pa ka gen relasyon ak Bondye.

   Jenèz 1:26; 1 Timote 2:5

   Nou ka gen yon relasyon pèsonèl ak Bondye gras a delivrans, kado gratis Bondye bay moun. Se pa rezilta sa nou fè; se sèlman pa favè Bondye nou pa merite. Lè nou rekonèt nou peche, lè nou kwè nan lanmò, antèman ak rezirèksyon Kris la, e lè nou aksepte l kòm Seyè, nou ka pase letènite ak Bondye.

   Efezyen 2:8,9; Women 5:1; Women 3:24

4. Batèm nan dlo

   Nou kwè nan batèm nan dlo, jan Jezi te anseye l e jan li te fè l, kòm fason kwayan yo idantifye yo ak lanmò, antèman ak rezirèksyon Jezi.

   Matye 28:19; Women 6:4; Matye 3:13-17

5. Batèm Sentespri a

   Batèm Sentespri a se yon kado Bondye. Sentespri a bay kwayan an fòs pou devlope karaktè Kris la e viv chak jou nan volonte Bondye.

   Matye 3:11; Travay 2:4

   Bondye bay tout kwayan don espirityèl. Yo la pou fòtifye pèp Bondye a (Legliz la) e pou montre moun ki pa kwè yo Bondye egziste e li gen pouvwa. Don Lespri yo aktif e yo itil jodi a.

   1 Korentyen 12:4-11; 1 Pyè 4:10

6. Sanktifikasyon

   Sanktifikasyon se travay k ap kontinye kote nou kite karaktè Bondye fòme nan nou.

   Women 6:19; Galat 5:22-25

7. Gerizon divin

   Gerizon divin aktif nan lavi moun jodi a gras a Jezi, ki se Gerisè a. Gerizon gen ladan l restorasyon kò, lespri, emosyon ak nanm.

   Lik 9:11; Matye 9:35; Travay 10:38; Matye 10:1

8. Lanfè ak pinisyon etènèl

   Bib la dekri lanfè kòm yon kote ki reyèl. Se yon kote soufrans ak separasyon pou tout tan ak Bondye pou moun ki mouri san yo pa aksepte Kris la. Bondye pa vle pèsonn separe avè l pou letènite; se poutèt sa li voye Pitit li, Jezi Kris, sou tè a.

   Ebre 9:27; Revelasyon 20:12-15; Jan 3:16-18

9. Rezirèksyon moun ki jis yo ak retou Seyè nou an

   Jezi ap tounen, e l ap pran tout moun ki aksepte l kòm Sovè pou yo avè l pou tout tan.

   Travay 1:11; 1 Tesalonisyen 4:13-17; Ebre 9:28

Referans yo louvri pasaj la nan Bib la an kreyòl ayisyen (HCV) sou Bible Gateway.