Ang aming pinaniniwalaan.

Pahayag ng pananampalataya

1. Ang Kasulatan

   Ang Bibliya ay ang di-nagkakamaling Salita ng Diyos, kinasihan ng Espiritu Santo, at naglalaman ng sagot sa bawat suliranin ng tao.

   2 Timoteo 3:16,17; 2 Pedro 1:20,21

2. Ang Pagka-Diyos

   May iisang Diyos, na umiiral magpakailanman sa tatlong persona: Diyos Ama, Diyos Anak at Diyos Espiritu Santo.

   Juan 10:30; Juan 14:26; Mga Taga-Filipos 2:5-7

3. Ang tao, ang kanyang pagkahulog at pagtubos

   Ang Diyos ay Pag-ibig at minamahal Niya ang lahat ng tao. Nais Niyang abutin ang mga dukha, inaapi, balo at ulila, at pagalingin ang mga bagbag ang puso.

   Mga Awit 68:5,6; 1 Juan 4:16

   Nilikha ang tao ayon sa larawan ng Diyos ngunit nahiwalay sa Diyos dahil sa kasalanan. Kung wala si Jesus, hindi tayo magkakaroon ng kaugnayan sa Diyos.

   Genesis 1:26; 1 Timoteo 2:5

   Maaari tayong magkaroon ng personal na kaugnayan sa Diyos sa pamamagitan ng kaligtasan, ang libreng kaloob ng Diyos sa tao. Hindi ito bunga ng ating ginagawa; makakamit lamang ito sa pamamagitan ng biyayang hindi natin karapat-dapat tanggapin. Sa pag-amin na tayo ay nagkasala, sa paniniwala sa kamatayan, paglilibing at muling pagkabuhay ni Cristo, at sa pagtanggap sa Kanya bilang Panginoon, makakasama natin ang Diyos magpakailanman.

   Mga Taga-Efeso 2:8,9; Mga Taga-Roma 5:1; Mga Taga-Roma 3:24

4. Bautismo sa tubig

   Naniniwala kami sa bautismo sa tubig, gaya ng itinuro at ipinakita ni Jesus, bilang paraan ng mga mananampalataya upang makiisa sa kamatayan, paglilibing at muling pagkabuhay ni Jesus.

   Mateo 28:19; Mga Taga-Roma 6:4; Mateo 3:13-17

5. Bautismo ng Espiritu Santo

   Ang Bautismo ng Espiritu Santo ay kaloob mula sa Diyos. Pinalalakas Niya ang mananampalataya na mahubog ang katangian ni Cristo at mamuhay araw-araw ayon sa kalooban ng Diyos.

   Mateo 3:11; Mga Gawa 2:4

   Nagbibigay ang Diyos ng mga espirituwal na kaloob sa lahat ng mananampalataya. Para ito sa pagpapalakas ng bayan ng Diyos (ang Simbahan) at patunay ng pag-iral at kapangyarihan ng Diyos sa mga hindi pa sumasampalataya. Kumikilos at mahalaga pa rin ngayon ang mga kaloob ng Espiritu.

   1 Mga Taga-Corinto 12:4-11; 1 Pedro 4:10

6. Pagpapakabanal

   Ang pagpapakabanal ay patuloy na proseso ng pagpapahintulot na mahubog sa atin ang katangian ng Diyos.

   Mga Taga-Roma 6:19; Mga Taga-Galacia 5:22-25

7. Banal na pagpapagaling

   Kumikilos ngayon ang banal na pagpapagaling sa buhay ng mga tao sa pamamagitan ni Jesus, na siyang Manggagamot. Kasama sa pagpapagaling ang panunumbalik ng katawan, isip, damdamin at espiritu.

   Lucas 9:11; Mateo 9:35; Mga Gawa 10:38; Mateo 10:1

8. Impiyerno at walang hanggang kaparusahan

   Inilalarawan ng Bibliya ang impiyerno bilang tunay na lugar. Ito ay lugar ng pagdurusa at ng permanenteng pagkahiwalay sa Diyos para sa mga namatay nang hindi tinatanggap si Cristo. Nais ng Diyos na walang sinumang mahiwalay sa Kanya magpakailanman, kaya isinugo Niya ang Kanyang Anak na si Jesucristo sa lupa.

   Mga Hebreo 9:27; Pahayag 20:12-15; Juan 3:16-18

9. Pagkabuhay na muli ng mga matuwid at pagbabalik ng ating Panginoon

   Babalik si Jesus at isasama Niya ang lahat ng tumanggap sa Kanya bilang Tagapagligtas upang makasama Niya magpakailanman.

   Mga Gawa 1:11; 1 Mga Taga-Tesalonica 4:13-17; Mga Hebreo 9:28

Binubuksan ng mga reference ang talata sa Ang Biblia (1978) sa Bible Gateway.