ਦਿਨ 6 / 30
ਮੇਰਾ ਦਿਲਾਸਾ ਦੇਣ ਵਾਲਾ
ਇਹ ਬਾਈਬਲ ਦੀ ਇੱਕ ਦਿਲਾਸਾ ਦੇਣ ਵਾਲੀ ਆਇਤ ਹੈ:
11 ਯਹੋਵਾਹ ਦੇ ਮੁੱਲ ਨਾਲ ਛੁਡਾਏ ਹੋਏ ਮੁੜ ਆਉਣਗੇ, ਅਤੇ ਜੈਕਾਰਿਆਂ ਨਾਲ ਸੀਯੋਨ ਵਿੱਚ ਆਉਣਗੇ, ਸਦੀਪਕ ਅਨੰਦ ਉਹਨਾਂ ਦੇ ਸਿਰਾਂ ਉੱਤੇ ਹੋਵੇਗਾ, ਉਹ ਖੁਸ਼ੀ ਅਤੇ ਅਨੰਦ ਪਰਾਪਤ ਕਰਨਗੇ, ਸੋਗ ਅਤੇ ਹਾਉਂਕੇ ਲੈਣ ਦਾ ਅੰਤ ਹੋ ਜਾਵੇਗਾ।
ਜਦੋਂ ਮੈਂ ਕੁੜੀ ਸੀ, ਮੇਰੀ ਦਾਦੀ White (ਪਾਪਾ ਦੀ ਮਾਂ) ਨੇ ਮੇਰੇ ਲਈ ਇੱਕ ਰਜਾਈ ਬਣਾਈ। ਅੰਗਰੇਜ਼ੀ ਵਿੱਚ ਅਜਿਹੀ ਰਜਾਈ ਨੂੰ “comforter” ਕਹਿੰਦੇ ਹਨ—ਯਾਨੀ “ਦਿਲਾਸਾ ਦੇਣ ਵਾਲੀ”। ਉਸ ਉੱਤੇ ਨਰਮ ਫਲਾਲੈਨ ਦਾ ਕੱਪੜਾ ਸੀ ਅਤੇ ਅੰਦਰ ਉੱਨ ਭਰੀ ਹੋਈ ਸੀ। ਸਿਆਲਾਂ ਦੀ ਕੜਾਕੇ ਦੀ ਠੰਢ ਵਿੱਚ, ਮੈਂ ਇਹ ਰਜਾਈ ਲੈ ਕੇ ਨਿੱਘੀ ਹੋ ਜਾਂਦੀ… ਸਗੋਂ ਬੜੀ ਮਜ਼ੇ ਨਾਲ ਦੁਬਕ ਜਾਂਦੀ।
ਯਿਸੂ ਪਵਿੱਤਰ ਆਤਮਾ ਨੂੰ ਸਾਡਾ ਸਹਾਇਕ ਕਹਿੰਦਾ ਹੈ—ਸਾਨੂੰ ਦਿਲਾਸਾ ਦੇਣ ਵਾਲਾ।
ਪਰ ਸਹਾਇਕ ਪਵਿੱਤਰ ਆਤਮਾ ਹੈ, ਜਿਸ ਨੂੰ ਪਿਤਾ, ਮੇਰੇ ਨਾਮ ਵਿੱਚ ਭੇਜੇਗਾ। ਉਹ ਤੁਹਾਨੂੰ ਸਭ ਕੁਝ ਸਿਖਾਵੇਗਾ ਅਤੇ ਉਹ ਤੁਹਾਨੂੰ ਉਹ ਸਭ ਯਾਦ ਕਰਾਵੇਗਾ, ਜੋ ਕੁਝ ਮੈਂ ਤੁਹਾਨੂੰ ਕਿਹਾ ਹੈ।”
ਹੁਣ ਮੇਰਾ ਦਿਲਾਸਾ ਦੇਣ ਵਾਲਾ ਰਜਾਈ ਵਾਂਗ ਮੈਨੂੰ ਲਪੇਟੀ ਰੱਖਦਾ ਹੈ। ਉਹ ਮੇਰੇ ਅੰਦਰ ਵੱਸਦਾ ਹੈ। ਪਵਿੱਤਰ ਆਤਮਾ ਮੇਰਾ ਸਹਾਇਕ ਅਤੇ ਦਿਲਾਸਾ ਦੇਣ ਵਾਲਾ ਹੈ।
ਅੱਜ ਪਰਮੇਸ਼ੁਰ ਤੁਹਾਨੂੰ ਬਰਕਤ ਦੇਵੇ।
ਸੋਚ-ਵਿਚਾਰ
ਅੱਜ ਤੁਹਾਨੂੰ ਕਿੱਥੇ ਦਿਲਾਸੇ ਦੀ ਲੋੜ ਹੈ? ਖ਼ੁਸ਼ੀ ਅਤੇ ਅਨੰਦ ਦੇ ਇਸ ਵਾਅਦੇ ਵਿੱਚ ਤੁਹਾਨੂੰ ਕਿਹੜੀ ਆਸ ਮਿਲਦੀ ਹੈ?
ਪ੍ਰਾਰਥਨਾ
ਪਵਿੱਤਰ ਆਤਮਾ, ਮੇਰਾ ਸਹਾਇਕ ਅਤੇ ਦਿਲਾਸਾ ਦੇਣ ਵਾਲਾ ਹੋਣ ਲਈ ਤੁਹਾਡਾ ਧੰਨਵਾਦ। ਜੋ ਉਦਾਸੀ ਅਤੇ ਬੋਝ ਮੇਰੇ ਉੱਤੇ ਹਨ, ਤੁਸੀਂ ਉਨ੍ਹਾਂ ਨੂੰ ਜਾਣਦੇ ਹੋ। ਤੁਹਾਡਾ ਦਿਲਾਸਾ ਕਬੂਲ ਕਰਨ ਅਤੇ ਤੁਹਾਡੀ ਦਿੱਤੀ ਆਸ ਨੂੰ ਘੁੱਟ ਕੇ ਫੜੀ ਰੱਖਣ ਵਿੱਚ ਮੇਰੀ ਮਦਦ ਕਰੋ। ਮੈਂ ਵੀ ਤੁਹਾਡੀ ਦਇਆ ਕਿਸੇ ਅਜਿਹੇ ਵਿਅਕਤੀ ਨਾਲ ਸਾਂਝੀ ਕਰਾਂ ਜਿਸ ਨੂੰ ਹੌਸਲੇ ਦੀ ਲੋੜ ਹੈ। ਆਮੀਨ।