Araw 21 ng 30
Kasama Ko ang Diyos
Isinasama na ako ng nanay ko sa simbahan mula pa noong sanggol ako. Hiniling ko kay Jesus na maging Tagapagligtas ko noong batang babae pa ako. Noong tinedyer ako, naglingkod ako sa Panginoon. Nag-aral ako sa unibersidad. Sumama sa akin ang Panginoon. Nag-asawa ako at nagkaanak ng isang lalaki. Naging tapat kong kaibigan ang Diyos. Kasama namin ang Diyos sa aming pagsasama bilang mag-asawa.
Napagtanto ko na hindi ko alam kung ano ang buhay nang wala ang Diyos. Sasabihin ko pa nga na ayaw kong mabuhay nang wala ang Diyos sa buhay ko!
Ang Diyos ay hindi isang taong dinadalaw ko lang tuwing Linggo ng umaga. Nandito Siya sa tabi ko 24/7. Ang layunin ko ay isama Siya sa bawat bahagi ng buhay ko… hayaan Siyang maging Panginoon ng lahat.
Lahat kay Jesus isinusuko ko,
Mapagpakumbabang yumuyuko sa Kanyang paanan;
Lahat ng layaw ng mundo, iniiwan ko,
Kunin Mo ako, Jesus, kunin Mo ako ngayon.
Pagpalain ka ng Diyos ngayong araw.
Pagninilay
Anong bahagi ng araw-araw mong buhay ang gusto mong mas lubos na isuko kay Jesus?
Panalangin
Jesus, salamat po at kasama Kita sa bawat bahagi ng buhay ko. Tulungan Mo akong isuko sa Iyo, Panginoon, ang lahat ng aking pasya, lahat ng aking relasyon, at lahat ng aking plano. Iniaalay ko sa Iyo ang aking puso at ang buo kong pagkatao. Ikaw ang maging Panginoon ng lahat. Amen.