દિવસ 14 / 30
સાચી સમાનતા
બાઇબલ વાંચન
18 પણ હવે ઈશ્વરે દરેક અંગને પોતાની મરજી પ્રમાણે શરીરમાં ગોઠવેલું છે. 19 જો સર્વ એક અંગ હોત, તો શરીર ક્યાં હોત? 20 પણ હવે અંગો ઘણાં છે પણ શરીર એક જ છે. 21 આંખ હાથને કહી શકતી નથી કે મને તારી જરૂર નથી; અથવા માથું પગને કહી શકતું નથી કે, મને તારી જરૂર નથી.
જેમના વાળ કુદરતી રીતે સીધા હોય છે તેઓ ઘણી વાર વાંકડિયા વાળ ઇચ્છે છે. જેમના વાળ વાંકડિયા હોય છે તેઓ સીધા વાળ ઇચ્છે છે. આપણને કદી સંતોષ કેમ નથી થતો? આપણે શા માટે પોતાની સરખામણી બીજાઓ સાથે કરીએ છીએ અને આપણી પાસે જે છે તેનાથી અસંતુષ્ટ રહીએ છીએ?
ખબર છે, આવું ઘણી વાર ચર્ચમાં પણ થાય છે. લોકો ફલાણાની જેમ ગાઈ શકવા કે જૉની જેમ પિયાનો વગાડી શકવા માગે છે. લોકોને લાગે છે કે બીજાઓ પાસે કેટલાં બધાં દાન છે અને પોતાની પાસે આપવા જેવું ખાસ કંઈ નથી.
આ સાચું નથી! ઈશ્વરે ચર્ચને આ રીતે ચાલવા માટે રચ્યું નથી!
ખ્રિસ્તના શરીરમાં દરેક જણ સમાન છે! આરાધનાની આગેવાની કરનાર, કાર્પેટ પર વૅક્યૂમ ફેરવનાર કરતાં વધારે મહત્ત્વના નથી! પાસ્ટર, સન્ડે સ્કૂલના શિક્ષક કરતાં વધારે મહત્ત્વના નથી! કેટલી મોકળાશ લાગે છે, નહિ?!
ઈસુની પાછળ ચાલો અને તે તમને જે કરવા બોલાવે તે કરો. તેમની પાસે રહો. તમારા પૂરા હૃદયથી, મનથી અને બળથી તેમને પ્રેમ કરો. બીજાઓ સાથે પોતાની સરખામણી કરવાનું બંધ કરો. તે તમારા વિશે શું વિચારે છે તેની ચિંતા કરો. તમે કદી લોકોને ખુશ નહિ કરી શકો, પણ તમે ઈશ્વરને પ્રસન્ન કરી શકો છો.
આજે ઈશ્વર તમને આશીર્વાદ આપો.
મનન
શું તમે તમારાં દાનો કે તમારી ભૂમિકાની સરખામણી બીજા કોઈની સાથે કરતા રહ્યા છો? ઈશ્વરે તમને જે કરવા બોલાવ્યા છે તે તમે વિશ્વાસુપણે કેવી રીતે કરી શકો?
પ્રાર્થના
પિતા, તમારો આભાર કે તમારા કુટુંબમાં દરેક વ્યક્તિનું મહત્ત્વ છે. બીજાઓ સાથે મારી સરખામણી કરવાનું બંધ કરવામાં અને રાજી હૃદયથી તમારી સેવા કરવામાં મને મદદ કરો. તમારી ઇચ્છા જાણવા અને તમને પ્રસન્ન કરે એ રીતે જીવવા મને ડહાપણ આપો. આમેન.