Araw 14 ng 30
Tunay na Pagkakapantay-pantay
Pagbasa ng Kasulatan
18 Datapuwa't ngayo'y inilagay ng Dios ang bawa't isa sa mga sangkap ng katawan, ayon sa kaniyang minagaling. 19 At kung ang lahat nga'y pawang isang sangkap, saan naroroon ang katawan? 20 Datapuwa't maraming mga sangkap nga, nguni't iisa ang katawan. 21 At hindi makapagsasabi ang mata sa kamay, Hindi kita kinakailangan: at hindi rin ang ulo sa mga paa, Hindi ko kayo kailangan.
Ang mga taong likas na unat ang buhok ay madalas naghahangad ng kulot na buhok. Ang mga kulot naman, gusto ng unat. Bakit hindi tayo nakokontento kailanman? Bakit natin ikinukumpara ang sarili natin sa iba at hindi tayo kuntento sa kung ano ang mayroon tayo?
Madalas ding nangyayari ito sa simbahan, alam mo ba. Gusto ng mga tao na makakanta tulad ni ganito o makatugtog ng piano tulad ni Joe. Akala ng mga tao, napakaraming talento ng iba at wala silang gaanong maiaambag.
Hindi iyan ang totoo! Hindi ganiyan dinisenyo ng Diyos ang paggana ng simbahan!
Lahat ay pantay-pantay sa katawan ni Cristo! Hindi mas mahalaga ang worship leader kaysa sa nagba-vacuum ng karpet! Hindi mas mahalaga ang pastor kaysa sa guro sa Sunday School! Hindi ba nakapagpapalaya iyan?!
Sumunod ka kay Jesus at gawin ang itinatawag Niya sa iyo. Manatili kang malapit sa Kaniya. Mahalin mo Siya nang buong puso, isip at lakas. Itigil mo na ang pagkukumpara ng sarili mo sa iba. Ang isipin mo ay kung ano ang tingin Niya sa iyo. Hindi mo kailanman mapapasaya ang lahat ng tao, pero mapapasaya mo ang Diyos.
Pagpalain ka ng Diyos ngayong araw.
Pagninilay
Ikinukumpara mo ba ang iyong mga talento o ang iyong papel sa iba? Paano mo matapat na magagawa ang itinawag sa iyo ng Diyos?
Panalangin
Ama, salamat na mahalaga ang bawat tao sa Iyong pamilya. Tulungan Mo akong itigil ang pagkukumpara ng sarili ko sa iba at paglingkuran Ka nang may pusong handa. Bigyan Mo ako ng karunungan para malaman ang Iyong kalooban at mamuhay sa paraang nakalulugod sa Iyo. Amen.