દિવસ 27 / 30
ગુલાબ છે લાલ
9 હે મારી પ્રાણપ્રિયા, મારી નવવધૂ,
તેં મારું હૃદય મોહી લીધું છે
તારા એક જ નજરથી,
તારા ગળાના હારના એક મણકાથી તેં મારું મન મોહી લીધું છે.
10 મારી પ્રાણપ્રિયા, મારી નવવધૂ,
તારો પ્રેમ કેવો મધુર છે!
દ્રાક્ષારસ કરતાં તારો પ્રેમ કેટલો ઉત્તમ છે?
તથા તારા અત્તરની ખુશ્બો સર્વ પ્રકારના સુગંધીઓ કરતાં કેટલી ઉત્તમ છે.
સ્ટીવ એવા નથી કે જેમને તમે પાક્કા રોમેન્ટિક કહો. અમારી પહેલી ડેટ ખરેખર ડબલ ડેટ હતી. બીજી જોડીનું નામ હું નહિ લઉં. છોકરાઓએ નક્કી કર્યું કે છોકરીઓ માટે રાતનું જમવાનું તેઓ બનાવશે. એ ખાસ મેનુમાં હતાં પિઝા અને જેલો… આ મજાક નથી… પીરસતી વખતે પિઝા પરનું બધું ટોપિંગ સરકીને નીચે પડી ગયું, અને જેલો જામ્યો જ નહિ.
સાંજે એક વખતે સ્ટીવે મને એક ગુલાબ આપ્યું. અમે અગિયારમા ધોરણમાં હતાં અને સ્ટીવે ઓઝોનના પડ વિશે એક સંશોધન-નિબંધ લખ્યો હતો. મારા ગુલાબ સાથે બાંધેલા કાર્ડ પર સ્ટીવે જાતે રચેલી આ કવિતા લખી હતી:
ગુલાબ છે લાલ,
વાયોલેટ છે ભૂરાં,
ઓઝોનનું પડ તૂટશે ત્યારે
આ ફૂલ મરી જશે.
તમે જાતે જ આટલી સુંદર પંક્તિઓ લખી શકતા હો, તો વિલિયમ શેક્સપિયરની શી જરૂર? હવે તમને સમજાયું ને કે હું તેમના આકર્ષણ સામે કેમ ટકી ન શકી!
તમને ખબર છે કે ઈસુ અને ચર્ચ વચ્ચેના સંબંધની સરખામણી પતિ અને તેની કન્યા સાથે કરવામાં આવી છે? ઈસુ પતિ છે. આપણે તેમની કન્યા છીએ. આ કન્યા અને વરરાજા વચ્ચેના પ્રેમનું જે ચિત્ર દોરવામાં આવ્યું છે તે ખરેખર ખૂબ સુંદર છે.
ઈસુ પોતાની કન્યાના પ્રેમમાં છે. તેમણે પોતાના શબ્દો અને કાર્યોથી પોતાનો પ્રેમ સાબિત કર્યો છે. સમય કાઢીને સૌથી મહાન પ્રેમકથા વાંચો. તે આપણને કેટલો બધો પ્રેમ કરે છે, તે સમજવાનો પ્રયત્ન કરો!
ભાઈઓ, કદાચ તમને પણ કોઈ સુંદર કવિતા લખવાની પ્રેરણા મળે!
આજે ઈશ્વર તમને આશીર્વાદ આપે.
મનન
ઈસુએ તમને પોતાનો પ્રેમ કેવી રીતે બતાવ્યો છે? તે પોતાના લોકોને કેટલો ઊંડો પ્રેમ કરે છે તે સમજવામાં તમને શું મદદ કરે છે?
પ્રાર્થના
હે ઈસુ, તમારા લોકોને આટલો ઊંડો પ્રેમ કરવા માટે તમારો આભાર. તમારા પ્રેમને વધારે સમજવામાં અને આભારી હૃદયથી જવાબ આપવામાં મને મદદ કરો. મારા શબ્દો અને કાર્યોમાં બીજાઓ પ્રત્યે તમારો પ્રેમ દેખાય. આમેન.