Araw 12 ng 30
Hawak ng Diyos ang Iyong Kamay
Noong lumalaki ako, madalas kaming maglakad-lakad ng tatay ko. Lalo kong naaalala ang paglalakad namin tuwing taglamig. Lagi akong hinahawakan ni Tatay sa kamay. Malamang naka-guwantes o mittens ako para mainit ang mga kamay ko. Pero sa malalamig na araw na iyon, hindi lang hinahawakan ni Tatay ang kamay ko—hinahawakan niya ito at ipinapasok sa bulsa niya kasama ng kamay niya. Laging napakalaking aliw nito sa akin – ang kamay ko sa kamay niya sa loob ng bulsa niya! Ang sarap ng pakiramdam na ligtas!
Napakagandang naipapahayag ang ganitong seguridad sa himnong He Leadeth Me. Gustong-gusto ko ang talatang ito:
Panginoon, ilalagay ko ang kamay ko sa Iyo,
hindi kailanman magrereklamo o magdaramdam;
kontento, anuman ang kapalarang makita ko,
dahil ang Diyos ko ang umaakay sa akin.
Puwede tayong magtiwala nang lubos sa Diyos. Inilalagay natin ang ating kamay sa Kaniyang kamay. Pagkatapos ay sinasamahan Niya tayo at inaakay kung saan tayo dapat pumunta.
Hayaan mong akayin ka Niya!
Pagpalain ka ng Diyos ngayong araw.
Pagninilay
Anong desisyon o sitwasyon ang kailangan mong akayin ka ng Diyos? Paano mo maibibigay sa Kaniya ang iyong tiwala?
Panalangin
Ama, salamat sa seguridad ng pagkakilala sa Iyo. Inilalagay ko ang kamay ko sa Iyong kamay. Akayin Mo ako sa daang dapat kong lakaran at tulungan Mo akong sumunod sa Iyo nang may pusong handa. Amen.