દિવસ 5 / 30
તમારો બોજો તેમને ઉપાડવા દો
બાઇબલ વાંચન
ઓ વૈતરું કરનારાઓ તથા ભારથી લદાયેલાઓ, તમે સઘળા મારી પાસે આવો, અને હું તમને વિસામો આપીશ. 29 મારી ઝૂંસરી તમે પોતા પર લો, અને મારી પાસેથી શીખો, કેમ કે હું મનમાં નમ્ર તથા દીન છું, તમે તમારા જીવમાં વિસામો પામશો. 30 કેમ કે મારી ઝૂંસરી સહેલી અને મારો બોજો હલકો છે.”
ન્યૂફાઉન્ડલેન્ડમાં સવારે ઊઠીએ ત્યારે ઘરના ડ્રાઇવ-વેમાં ઢગલાબંધ બરફ જામેલો હોય એ કંઈ નવાઈની વાત નથી. મને એક પ્રસંગ યાદ છે જ્યારે અમારું સ્નો-બ્લોઅર (બરફ હટાવવાનું મશીન) બરાબર ચાલતું નહોતું. માત્ર પાવડાથી એટલો બધો બરફ હટાવવો કેટલું અઘરું પડત! ત્યારે અમારા પડોશી તેમનું મોટું ટ્રેક્ટર લઈને આવ્યા અને આખો ડ્રાઇવ-વે સાફ કરી આપ્યો.
મને લાગે છે કે ઈશ્વર કેવા છે તેનું આ એક સરસ ઉદાહરણ છે… તે આપણો રસ્તો સાફ કરવામાં કેટલા કુશળ છે… ખાડાખૈયાવાળી જગ્યાઓ સપાટ અને વાંકા રસ્તા સીધા કરી આપે છે.
આપણામાંના કેટલાક હજી પણ બહાર ઊભા રહીને પોતાના નાનકડા પાવડાથી બધું જાતે કરવાની મથામણ કરે છે. તમારો બોજો તેમને ઉપાડવા દો. ભાર તેમને ઊંચકવા દો. રસ્તો તેમને સાફ કરવા દો.
આજે ઈશ્વર તમને આશીર્વાદ આપો.
મનન
કયો બોજો તમે તમારા પોતાના “નાનકડા પાવડા”થી ઉપાડવાની કોશિશ કરો છો? થોડી વાર તેને નામ આપો અને તેને ઈસુ પાસે લાવો.
પ્રાર્થના
ઈસુ, હું થાકી જાઉં ત્યારે તમારી પાસે આવવાનું આમંત્રણ આપવા બદલ તમારો આભાર. હું જે બોજો ઉપાડું છું તે તમે જાણો છો. તેને તમારી પાસે લાવવામાં, તમારી મદદ સ્વીકારવામાં અને તમારી પાસેથી શીખવામાં મને મદદ કરો. હું આગળનું પગલું ભરું ત્યારે તમારી સંભાળમાં વિસામો લેતાં મને શીખવો. આમેન.