Araw 28 ng 30
Huwag Kang Tumakas
Likhaan mo ako ng isang malinis na puso, Oh Dios; at magbago ka ng isang matuwid na espiritu sa loob ko. … Ang mga hain sa Dios ay bagbag na loob: isang bagbag at may pagsisising puso, Oh Dios, ay hindi mo wawaling kabuluhan.
Ano ang ginagawa mo kapag may nagawa kang hindi matalinong desisyon sa buhay? Mas maaga kang magsisi, mas mabuti para sa iyo. Mas maaga kang tumakbo papunta sa Diyos, sa halip na palayo sa Kanya, mas madali kang makakabalik sa tamang daan. Mas madaling magbawas ng 5 librang sobrang timbang kaysa 50 o 100!
Kailangan mong maintindihan na mahal ka pa rin ng Diyos kahit nagulo mo ang mga bagay-bagay. Kaya Niyang kunin ang mukhang wala nang pag-asang sitwasyon at baligtarin ito. Pero para mabaligtad Niya ito, kailangan mong bumaling sa Kanya!
Kung may mga masama kang bisyo, “huwag kang titigil sa pagtigil”. Hilingin mo sa Diyos na tulungan kang tumigil. Kaya mo iyan sa Kanyang lakas!
May mga taong maiinis kapag sinubukan mong ayusin ulit ang buhay mo. May mga taong ayaw kang magbago sa dati mong gawi. Gusto nilang manatili ka sa dati. Pakiusap, humanap ka ng mga taong maghihikayat sa iyo na ilagay ang buhay mo sa mga kamay ng Diyos. Humanap ka ng mga taong mananalangin para sa sitwasyon mo. Sila ang mga taong kailangan mo sa buhay mo kapag gusto mong bumalik sa tamang daan.
Pagpalain ka ng Diyos ngayong araw.
Pagninilay
May bahagi ba ng buhay mo na kailangan mong ibalik sa Diyos? Sino ang puwedeng manalangin kasama mo at magpalakas ng loob mo habang ginagawa mo ang hakbang na iyon?
Panalangin
Panginoon, salamat po at mahal Mo pa rin ako kahit mali ang mga pinili ko. Tulungan Mo akong bumaling sa Iyo, tanggapin ang Iyong kapatawaran, at gawin ang mga hakbang na kailangan kong gawin. Bigyan Mo ako ng lakas na magbago at ng kababaang-loob na tanggapin ang pagpapalakas-loob at tulong. Amen.